Home Lyrics

Ay Habeeb e Ahmed e Mujtaba Dil e Mubtala Ka Salam Lo, naat lyrics.

0

Ay Habeeb e Ahmed e Mujtaba Dil e Mubtala Ka Salam Lo,
Jo Wafa Ki Raah Me Kho Gaya Usi Gum Shuda Ka Salam Lo.

Mai Talab Se Baaz Na Aaunga Tu Karam Ka Haath Badhaye Ja,
Jo Tere Karam Se Hai Aashna Usi Aashna Ka Salam Lo.

Meri Haazri Ho Madine Me Mile Lutf Mujh Ko Bhi Jine Me,
Tera Noor Ho Mere Seene Me Meri Iss Duaa Ka Salam Lo.

Koi Mar Raha Hai Bahisht Par Koi Chahata Hai Najaat ko,
Mai Tujhi Ko Chahu Khuda Kare Meri Is Duaa ka Salam Lo.

Tamam Auliya Ke Buland Sar Hai Qadam Pe Jinke Jhuke Huve,
Usi Pyare Ghous Ka Wasta Ke Har Ik Gada Ka Salam Lo.

Wo Hussain Jisne Chidak Ke Khun Chaman e Wafa Ko Hara Diya,
Usi Jaan Nisaar Ka Wasta Ke Har Ik Gada Ka Salam Lo.

Yehi Roz o Shab Hai Duaa Meri Ke Maru To Tere Dayaar Me,
Yahi Mud-dua E Hayat Hai Isi Mud-dua Ka Salam Lo.

Ay Habeeb e Ahmed e Mujtaba Dil e Mubtala Ka Salam Lo,
Jo Wafa Ki Raah Me Kho Gaya Usi Gum Shuda Ka Salam Lo…

read more:-Imdad kun Imdad kun Azaranj wa gham azad kun, naat lyrics.