Home Lyrics Ho Karam Sarkar Ab To Ho Gaye Gham Beshumaar, naat lyrics.

Ho Karam Sarkar Ab To Ho Gaye Gham Beshumaar, naat lyrics.

0

Ho Karam Sarkar Ab To Ho Gaye Gham Beshumaar, naat lyrics.

Ho Karam Sarkar Ab To Ho Gaye Gham Beshumaar,
Jaano Dil Tum Par Fida Aye Do Jahan Ke Taajdaar.

Mai Akela Aur Masaail Zindagi Ke Beshumaar,
Aap Hi Kuch Kijiye Na Aye Shahe Aali Waqaar.

Yaad Aata Hai Tawaafe Khanaye Kaa’ba Mujhe,
Aur Lipatna Multazam Se Waale Haana Baar Baar.

Sange Aswad Choom Kar Milta Mujhe Kaifo Suroor,
Chain Pata Dekh Kar Dil Mustajaabo Mustajar.

Ja Raha Hai Qaafila Taiba Nagar Rota Huwa,
Mai Raha Jaata Hoon Tanha Aye Habeebe Kirdgaar.

Jald Phir Tum Lo Bula Aur Sabz Ghumbad Do Dikha,
Haazri Ki Aarzoo Ne Kar Diya Phir Bekaraar.

Ghumbade Khazra Ke Jalwe Aur Woh Iftaariya,
Yaad Ati Hai Bohot Ramzaane Taiba Ki Bahaar.

Choom Kar Khaake Madina Jhoomta Phirtha Tha Mai,
Yaad Aati Hai Madine Ke Mujhe Lailo Nahaar.

Haal Par Mere Karam Ki Ik Nazar Farmaaiye,
Dil Mera Ghamgeen Hai Aye Ghamzadon Ke Ghamgusaar.

Ya Rasoolallah Sun Lije Meri Faryaad Ko,
Kaun Hai Jo Ke Sune Tere Siwa Meri Pukaar.

Qafle Walo Suno Yaad Aaye To Mera Salaam,
Arz Karna Rote Rote Ho Sake To Baar Baar.

Ghamzada Yoon Na Huwa Hota Ubaide Qaadri,
Is Baras Bhi Dekhta Gar Sabz Ghumbad Ki Bahaar.

Ho Karam Sarkar Ab To Ho Gaye Gham Beshumaar,
Jaano Dil Tum Par Fida Aye Do Jahan Ke Taajdaar.

read more:-Haal e Dil Kis Ko Sunayen Aap Ke Hote Hue, naat…