Home Lyrics

Woh kamaale husne Huzoor hai, Naat lyrics.

0
Woh kamaale husne Huzoor hai,
ke gumaane naqs jaha nahi,
Yahi phool khaar se door hai,
yahi shama hai ke dhuwa nahi.
Do jahaa’n ki behtariyaa’n nahi,
ke amaaniye dilo jaan nahi,
Kaho kya hai woh jo yahan nahi,
magar ik nahi ke woh haan nahi.
Main nisaar tere kalaam par,
mili yun to kis ko zabaan nahi,
Woh sukhan hai jis mein sukhan na ho,
woh bayaan hai jis ka bayaan nahi.
Ba-khuda khuda ka yahi hai dar,
nahi aur koi mafar maqar,
Jo waha se ho yahi aa ke ho,
jo yaha nahi woh waha nahi.
Kare Mustafa ki ihaanate’n,
khule bandon us pe ye jur’ate’n
Ke main kya nahi hu Muhammadi,
Are haa nahi are haa nahi.
Tere aage yun hain dabe lache,
fusaha arab ke bade bade,
Koi jaane muh me zabaa’n nahi,
nahi balki jism me jaa’n nahi.
Woh sharaf ki kat’aa hain nisbate,n
woh karam ke sabse kareeb hain,
Koi kehdo yaaso ummeed se,
woh kahi nahi woh kaha nahi.
Ye nahi ke khuld na ho nikoo,
woh nikooyi ki bhi hai aabroo,
Magar aye Madine ki aarzoo,
jise chahe tu woh samaa’n nahi.
Hai unhi ke noor se sab ayaa’n
hai unhi ke jalwe mein sab nihaa’n
Bane subha taabishe mehar se,
rahe peshe  mehar ye jaa’n nahi.
Wohi noore haq wohi zille Rab,
Hai unhi se sab hai unhi ka sab,
Nahi unki milk mein aasmaa,
Ke zamee’n nahi ke zamaa’n nahi.
Wohi laa makaa’n ke makee,n hue
Sare arsh takht nashee’n hue,
Woh Nabi hai jis ke hain ye makaa,n
Woh Khuda hai jis ka makaa’n nahi.
Sare arsh par hai teri guzar,
Dile farsh par hai teri nazar,
Malakooto mulk me koi shai,
Nahi woh jo tujh pe ayaa nahi.
Karu tere naam pe jaa,n fida,
Na bas ek jaa’n do jahaa,n fida,
Do jahaa’n se bhi nahi jee bhara,
Karu kya karodon jahaa’n nahi.
Tera qad to naadire dehar hai,
koi misl ho to misaal de,
Nahi gul ke paudo’n me daaliyan,
Ke chaman me sarve chamaa’n nahi.
Nahi jiske rang ka doosra,
Na to ho koi na kabhi hua,
Kaho usko gul kahe kya bani,
Ke gulo ka dher kaha nahi.
Karu madhe Ahle dowal Raza,
Pade is bala mein meri bala,
Main gada hoon apne Kareem ka,
Mera deen paaraye naa’n nahi,
Woh kamaale husne Huzoor hai,
ke gumaane naqs jaha nahi,
Yahi phool khaar se door hai,
yahi shama hai ke dhuwa nahi.
read more:-Tere Qadmon mein aana mera kaam tha, Naat lyrics.